Poczóntek mie trocha słabił (myśla sie - SHREK do dorosłych), ale od mómyntu pojawiynia sie na ekranie Gryndela, to musza prziznać, że takigo beboka, takigo paskudztwa w kinie niy dane było mi jeszcze oglóndać i łod tyj chwili film czimie w takim napiyńciu, jes taki gyszpan, że jeszcze godzina po seansie je czuja. To co zastanawio, to ta cało animacja, któro Zemeckis nałożył na aktorów i czymu mu wyszła, tak jak wyszła. Kónie np. na których Wikingi jeżdżóm wyglóndajóm beznadziejnie - jak klocki na sztyrech, rubych nogach. Robin Wright Penn tyż niy bardzo do siebie podobno (tako rubo buło z nij na ekranie), ale za to Angelina Jolie jes tak dopracowano (a może wcale niy "kómputeryzowano"?), że naprowdy idzie sie "zasapać" w czasie seansu, jak sie na nia paczy. Niy móm pojyńcia skónd wziyła w VI wieku szpile na nogi, ale to jes szczegół. W kożdym razie kawał rozrywkowego dreszczowca w średniowiecznych realiach - godny polecynio. Jak sie mo do literackigo oryginału eposu niy wiym, bo go niy znóm - ale jako hollywoodzki film kómercyjny - klasa!